Eins og áður hefur komið fram þá tók ég meðvitaða ákvörðun um að njóta, njóta alls þess góða sem lífið hefur uppá að bjóða. Áföll verða þó stundum til þess að kasta manni nokkur eða mörg skref afturábak, en þá er bara að reyna sitt besta í að rétta úr sér, halla sér fram og þramma áfram, með ást, góðmennsku, bros og hlátur að vopni.
Ég hef fengið minn skerf af áföllum og erfiðleikum í lífinu, en ég hef þó ákveðið að láta það ekki draga mig niður heldur hvetur það mig ennþá frekar til að njóta lífsins því eftir því sem best er vitað þá fáum við einungis eitt líf.
Að ákveða að njóta er eitthvað sem hefur gert líf mitt dásamlegt, ég nýt hverrar stundar með fjölskyldunni minni. Ákvörðun um að láta sem flesta drauma mína rætast er eitthvað það æðislegasta sem ég veit. Draumar geta verið mismunandi stórir og litlir.
Dæmi um litlar óskir eða drauma er kósýkvöld, fjölskyldu bíókvöld, halda fallegt heimili, kvöldgöngur, date-kvöld, spila saman, borða kvöldmat saman og margt fleira.
Stærri óskir eða draumar gætu til dæmis verið ferðalög um Ísland, skíðaferð, helgarferðir, sumarbústaðaferðir, sumarfrí til útlanda og margt fleira.
Framundan eru jólin og get ég ekki beðið eftir að njóta þess að borða góðan mat, jólabíómyndakvöld, náttfatakósý, hafa börnin mín öll og kærastann hjá mér, ekkert stress fyrir jólaþrifum heldur bara að hafa notalegt fyrst og fremst.
Munið að njóta, brosa og vera glöð.
