Madungog ang mga agik-ik sa mga suking-mananan-aw tungod sa mga ipasalide karong 2018. Ang 2017 usa ka eksplosibong tuig sa anime (tan-awa ang hulagway ni Megumin ug Bakugou nga nagpahiyom sa luyo. Salamat sa pagtugot Mozzatav nga gamiton ang imong hinimo) tungod kay ang industriya sa naghinayhinay na og inila sa kadaghanan. Hinaot ang kahikurat sa 2017 magpabilin samtang atong sugaton ang 2018.
Ania ang mga pinaka-nindot nga giatang nga mga apas-sumpay karong tuigan. Disklimer: Mao ning mga sugilanon nga akong gihinamhinam. Akoa lang ning pangagpas ug ang tanang pangagpas magdependi ra sa akong makita. Kon naa kay laing masulti, imo pud na. Pagpina-chuy lang pareha ni Salt Bae. Magsabot ta nga di ta magkasinabot. Oki?
Cardcaptor SakuraUbay-ubay na pud ang atong na-type alang sa Mahou shoujo sa tanang Mahou shoujos, Cardcaptor Sakura. Ayaw pailad sa matam-is ug kyut nga istorya; Mas lawom pa ang saysay sa Cardcaptor Sakura kaysa sa atong makita. Sa unang tan-aw, ang istorya nagtuyok-tuyok sa usa ka kyut nga babaye nga makig-istorya og dili-ingon-nato ug dakpon niya kining mga dili-ingon-nato sulod sa mga baraha.
Apan sa katong masusihon og mga mata, naghisgot ni og mga tandugonon nga mga isyu. Pananglitan, usa ka magikero nga nabuhi balik sulod sa lawas sa usa ka elementary nga tinun-an, unya, ambot unsay relasyon niya sa usa ka maestra nga labaw pa’s katunga sa iyang pisikal nga edad. Ang mga ginikanan ni Sakura walay klaro nga panumdoman o kasinatian sa ila mismong mga ginikanan sanglit layo man ang ang-ang sa salapi kon ikumpara nimo ang amahan nga magtutudlo sa kolehiyo ug ang inahan nagagikan sa hilabian ka adunahan nga pamilya.
Sa katong ganahan pa makahibaw, basaha ang sinuwat sa gwapong Romeo Toring, Cardcaptor Sakura review.
Ikarekomendar gyud ni sa mga tawo nga nangita og mahinundanong istorya nga makapahiyom. Dungan ta og tan-aw isip mga fangirl or fanboy matag kyut nga eksina, makaikag nga istorya, ug bililhong produksyon. Gipasalida na ni sukad niadtong Ereno 7, 2018, ug motan-aw gyud ko ani dinuyogan sa dakong ngisi ug kainit nga mopuno sa gi-kolesterol nakong kasingkasing.
Gintama Season 4Mibalik na ang hari. Kon ang Cardcaptor Sakura makapamiyom nimo, ang Gintama makabuhakhak nimo. Samtang nagtan-aw ka aning mga sugilanona, maka-workout ka sa imong baba. Mokusgan ang imong baba susuma sa mga kaliwat ni Armstrong!
Ang pagkapareho sa Gintama ug Cardcaptor Sakura wala pa nahuman diha: Kining mga salidaha murag mga sida nga nagtagu og puthaw. Taliwa niining mga maayong pagka-timing sa mga binuang, kalingaw, ug mga wala-diri-wala-didto nga mga nawong, adunay istorya mahitungod sa panaghigalaay, sa pagkawala sa tumong, ug sa pagkatawa bisan tuod nagkalisud.
Ayaw kahadlok sa kadaghan sa mga yugto. Mura ra kang niinom og bugnaw’ng tubig panahon sa ting-init kon motan-aw ka og Gintama. Apan, maghangus-hangus tungod sa mga kataw-anan nga mga binuang. Gipasalida na ni niadtong Ereno 8, 2018, ug mobuhakhak na pud ko ani sama sa akong pagkatawa atubangan sa samin.
Overlord Season 2
Katong hilig moduwa o katong ganahan og daghan og askyon, tan-awa ning sugilanona. Imadyina nga nimata ka sulod sa imohang bartolina, nga naay mga kusgan nga mga ungo nga maka-level-up hukbo kon mapildi sila. Ang imohang character kalansay nga madyikero. Maximum level na ka, apan dili ka pwede mobalik sa imong gigikanan ug lahi ra gyud kaayo ang kalibutan nga imong gikahimotangan karon. Nindot ang istorya ani ug nindot pud pagkabuhat. Kon wala pa ka nakakita sa unang season, suwayi lang.
Dili ni mahitungod sa mga aksyon nga away-away, apan ang pakigbisog batok sa kaguol ug kasagmuyo. Unsa man ang imong buhaton kon ikaw na ang pinakangilngig? Unsaon man nimo pasugakod kon ikaw ra ang lahi sa imong gipahimutangan karon? Unsa man ang imong buhaton kon tagaan ka og hilabiang gahum?
Daghan og ganahan ani nga anime sa katilingban, labi na tong mga moduwa og games. Gipasalida na ni niadtong Enero 1, 2018, ug nagkisaw na og mga kahimuot ug kataw-anan nga mga nawong.
Mao ra ni sa karon nga season. Taysa gud Hikkikomori Otouchan! Tulo ra man ni kabuok. Ingon ka unom? Dili na ka kahibaw MOIHAP? Kalma lang mga batan-ong padawan, moabot ra ang ikaduhang bahin kon mahuman na to. Sa sunod na pud! Pasimhota ko bi.
Share this:
