Taken at CDC Parade Grounds, Clark City (5/14/17)
Doon tayo magkita sa hangganan ng kahapon at bukas,
Sa sandaling mas maigting ang ligaya sa kalungkutan,
Sa saglit na oras kung saan maaring limutin ang kinabukasan.
Doon tayo magkita sa hangganan ng kahapon at bukas,
Kung saan ang araw ay marahang yumayakap sa gabi,
Kung saan maaaninag ang tuwa mula sa iyong labi.
Doon tayo magkita sa hangganan ng kahapon at bukas,
Sa maliit na espasyong binuo lamang sa panaginip,
Sa panandaliang pag-asang makikita ka pang muli.
Advertisements Share this:
