Ek thi gudiya.. Choti si pyaarisi apni duniya me mast.. na duniya ki sacchai pata aur na hi logo ki.. khub sambhalke rakha tha use.. khelti rehti apne dosto saath..
Ek din aya ek kharidaar, nazar padi us gudiya pe.. thaan liya usne chahiye toh wohi gudiya aur ki zid usne.. kiye bohot vaade usne aur mana liya gudiya ko, le chala apne sang.. jahan jata, le jata.. jo khata, use bhi khilata.. kiya tha jo vada vaise hi palko par rakhta gudiya ko..
Kitni khush thi humari gudiya, bekhabar is duniya ki rit se- samajh bethi wo chaar din ki chandni ko zindgi ka haseen sapna.. par tutna hi tha aur tut hi gaya wo sapna……. gudiya tha toh khilona hi kharidaar ka.. pyaar ata toh gale lagata.. gussa ata toh haath pair tod deta.. kaid karliya apne khilono ki tokri me- na bahar nikal paati wo na andar reh paati.. khilona hi tha so tut gaya.. fek diya kharidaarne aur chal pada dukan dusra khilona laane..
Yehi hai har kharidaar aur yehi hai har gudiya ki kahani- kisi ko kachre me daal diya jata toh kisi ko kisi bandh kamre ke kone me paya jata..
Kaise koi pitaa banaye aisi gudiya jiska ant ho aisa??????
Arre Kharidaaro… bachao gudiya ko.. sambhalo..
Tumhare liye bhale hai wo gudiya..
Kisike dil ka tukda hai wo gudiya..
Jaise tum kisike aankh ke taare toh kisike dulaare ho..
Waise apne papa ki pari mummy ki parchhai hai wo gudiya..
Pehle tum jo kar rahe ho wo sudharo..
Fir chilla chillakar kehna BETI BACHAO!!!!
Advertisements Share this:
